FOEMINARUM Communio

FOEMINARUM Communio

etiam Gentilium modestioribus damnata, ab Haereticorum mon paucis ex orco revocata est, Gnosticis praesertim, quos convenientiore vocabulo Βορβοριανοῦς Orthodoxi vocarunt, h. e. coenosos, propter foedissimam turpitudinem, quam in suis mysteriis exercebant, uti refert Epiphan. Haer. 26. et Augustin. Haer. 6. Simonianis item, quos hunc in finem etiam incantationibus, et amatoriis et agogimis usos fuisse, discimus ex Irenaeo adv. Haer. l. 1. c. 20. et Theodoret. Haer. Fab. l. 1. Carpocratianis porro. qui promiscuum feminarum usum κοινωνίαν μυςικην`, communionem mysticam, profane appellare reste Clem. Alex. 3. Strom. quiqueve hac fini artes Magicas operari, et incantationes, philtra quoque et charitesia et paredros, et oniropompos, et reliquas malignationes, ur habet Irenaeus ubi supra c. 24. nulli erubuêrunt. Α᾿ντιτάκταις insuper, Canis Montanistis, Manichaeis, Priscillianistis, aliis, de quibus vide Clementem l. cit. Theodoretum Haer. Fab. l. itidem cit. c. de Antitactis, Irenaeum adv. Haer. l. 1. c. ult. Augustin. Haeresi 36. et 46. Alios. Quorum sub Christiano nomine latentium, abominabili impuritate, pro ingenio suo, Satanas abusus, ipsum Christi sanctissimum nomen fidemqueve purissimam, apud eius hostes claumniari numquam destitit. Unde illa de promiscua et incesta Venere, de in fanticidio ac Thyestaeis epulis, iacta inChristianos a Paganis opprobria; quae commemorat Iustinus Martyr. Dial. cum Tryphon. Iud. Athenagor. Apolog. pro Christian. Minut. Felix Octavio, Tertullian. Apologet. c. 7. et Euseb. Hist. Eccl. l. 4. c. 7. Monente et Irenaeo, abuti quidem Haereticos nomine Christi, se ipsos Christianos falso appellantes ---- blasphemari autem veros Christianos (quibus talia obiectabantur) licet in nullo cum Haereticis communicantes, neque in doctrina, neque in moribus, neque in quottidiana conversatione adv. Haer. l. 1. c. 24. etc. Vide. Ioh. Forbes. bistruct. Hist. Theolog. l. IV. c. 8. §. 2. ut et infra ubi de Haereticorum Noclurnis coetibus.